САЛОҲИЯТЛИ КАДРЛАР ТАЙЁРЛАШ — ЗАМОН ТАЛАБИ
Ҳар қандай тизимнинг ривожланиш даражаси у ерда фаолият юритаётган кадрларнинг билми, тажрибаси ва салоҳиятига боғлиқ. Шу боис Миллий гвардия сафларида хизмат қилиш истагини билдирган номзодларни қабул жараёни ҳам танлов асосида амалга оширилмоқда. Хусусан, куни кеча Миллий гвардия Самарқанд вилояти бўйича бошқармаси ва Қўриқлаш бошқармасида навбатдаги синов жараёни бошлангани муносабати билан Миллий гвардия кадрлар бошқармаси бошлиғи полковник Р. Камолов ва номзодларнинг ота-оналари иштирокида давра суҳбати ташкил этилди.
Учрашув чоғида синовлар масъул ҳарбий хизматчилар томонидан шаффофликка алоҳида эътибор қаратган ҳолда олиб борилиши ва бу жараёнга шахсан ота-оналар гувоҳ бўлиши мумкинлиги таъкидланди.
Шунингдек, қабул қилиниши арафасида турган номзодларнинг лавозимлари ва уларнинг вазифалари ҳақида батафсил тушунчалар берилди.
Соҳадаги сўнгги янгиликлар, яратилаётган шарт-шароитлар билан бир қаторда ҳарбий хизматчининг Ватан олдидаги масъулиятли бурчи ҳақида тўлиқ маълумот берилди. Ота-оналарнинг барча саволларига тегишли мутахассислар жавоб бердилар.
Учршув сўнгида мазкур танловларда муваффақиятли ўтган номзодларгина тегишли тартибда тайинланган лавозимда иш бошлашлари мумкинлиги алоҳида таъкидланди.
