САЙЁР ҚАБУЛ – МУАММО ВА EЧИМ
Ҳарбий хизматчилар ва уларнинг оила аъзоларини ижтимоий қўллаб-қувватлашга оид қўшимча чора-тадбирлар тўғрисидаги қарорга асосан жорий йилнинг 25 июнь куни Миллий гвардия Хоразм вилояти бўйича бошқармасида “Сайёр қабул” бўлиб ўтди.
Мазкур қабулда ҳарбий хизматчи ва ходимларнинг оила аъзоларини бўш иш ўринларига жалб этиш ҳамда таълим билан боғлиқ масалаларда юзага келаётган бир қатор муаммолар аниқланди.
Хусусан, қабул доирасида ҳамкор ташкилотлар Хоразм вилояти Урганч ҳарбий прокуратураси, вилоят Соғлиқни сақлаш, Бандлик, Мактабгача таълим ва Халқ таълими бошқармалари ҳамда Бош тиббий меҳнат экспертизаси ходимлари томонидан аниқланган мавжуд муаммоларни бартараф этиш юзасидан бир қатор вазифалар белгиланди.
Шунингдек, ўртага ташланган саволлар бўйича очиқ мулоқотга киришилиб, уларни қийнаб келаётган аксарият муаммолар ўз ечимини топди.
