Ўз O'z Ру En

СПОРТНИНГ “КИКБОКСИНГ” ТУРИ БЎЙИЧА МИЛЛИЙ ГВАРДИЯ ФАРҒОНА ВИЛОЯТИ БЎЙИЧА БОШҚАРМАСИ БОШЛИҒИНИНГ КУБОГИ ЯКУНЛАНДИ

Ўзбекистон Республикаси Миллий гвардияси Қўмондони ва Ўзбекистон Кикбоксинг Ассоциацияси Президентининг ҳамкорлик Меморандуми ижросини таъминлаш мақсадида, 21-22 июль кунлари Фарғона шаҳридаги “Олимпия захиралари коллежи” спорт мажмуасида спортнинг “Кикбоксинг” тури бўйича Миллий гвардия Фарғона вилояти бўйича бошқармаси бошлиғининг кубоги бўлиб ўтди.
Мусобақада 12 та вазн тоифасида 100 га яқин спортчи ёшлар ҳамда 30 га яқин ҳуқуқни муҳофаза қилувчи орган ходимлари ўзаро жанг ўтказди.
Беллашувлар сўнгида Миллий гвардия жамоаси аъзолари Г.Норматова (51 кг), Б.Рамазонов (54 кг), Ш.Жуманазаров (63 кг), З.Алибердиева (67 кг), Ш.Абдурахимов (90 кг)лар финал жангида иштирок этиб, якунда ўз вазн тоифасида фахрли 1-ўринни қўлга киритишди. Умумжамоа ҳисобига кўра 3-ўрин ёшлар жамоаси, 2-ўрин ИИБ жамоаси, фахрли 1-ўрин Миллий гвардия жамоаси қўлга киритди.
Мусобақа ғолиб ва совриндорлари диплом ва эсдалик совғалари билан тақдирланди.

Белгиланган матнни тинглаш учун қуйидаги тугмани босинг Powered by GSpeech