ТАБИАТГА ЗАРАР ЕТКАЗУВЧИЛАР ҚЎЛГА ОЛИНДИ
Бугунги кунда республикамиз бўйлаб маҳаллалар кесимида ободонлаштириш ва кўкаламзорлаштириш ишлари олиб борилаётган бир пайтда айрим кимсалар томонидан табиатга зарар етказиш ҳолатлари ҳам учрамоқда.
Хусусан, Сирдарё вилояти Миллий гвардия ҳамда Экология ва атроф-муҳитни муҳофаза қилиш бошқармаси масъул ходимлари билан ҳамкорликда ўтказилган рейд тадбирлари давомида Сирдарё туманида яшовчи фуқаро М.М. томонидан 3та чинор дарахти кесилиб, ноқонуний равишда давлат рақами 20 024 RAА бўлган ISUZI русумли автомашинада олиб кетаётган вақтда Сайҳун блок-постида қўлга олинган. Ушбу кесилган чинор дарахтлари 542 млн сўмга баҳоланиб, ҳозирда вилоят прокуратураси ходимлари томонидан суриштирув ишлари давом этмоқда.
Шунингдек, Хоразм вилоятида ҳам Миллий гвардия ҳамда Экология ва атроф-муҳитни муҳофаза қилиш бошқармаси ходимлари ҳамкорлигида Тупроқалъа тумани Питнак шаҳрида олиб борилган рейд тадбири давомида фуқаро Ў.М. томонидан Саксовул ўсимлиги кесилиб 90 F 646 AA Вaз 2106 русумли автомашинасида олиб кетаётган вақтида ушланди.
Ҳолатлар юзасидан суриштирув ишлари олиб борилиб, ушбу фуқарога нисбатан МЖтКнинг 79-моддасига асосан ўрнатилган тартибда 1 225 000 сўм жарима белгиланган.
