ТАРТИБ ИНТИЗОМГА РИОЯ ҚИЛИШ ОСОЙИШТАЛИК КАФОЛАТИ
Давлатимиз раҳбари томонидан таъкидланганидек, коронавирус пандемияси билан боғлиқ хавф ҳанузгача ёнимизда, шу боис огоҳ бўлишимиз ҳамда олдин бу балога қарши қандай курашган бўлсак, шу тартибни қайта тиклашни вазиятни ўзи тақозо этмоқда.
Мамлакатимиз ҳудудида Марказий комиссия томонидан белгиланган тартиб қоидаларга риоя қилиниши борасида аҳоли ўртасида тарғибот ишларини олиб бориш ҳамда уларга қатъий амал қилинишини назорат қилиш шаҳар ва туман ҳокимлари, маҳалла раислари, ички ишлар органлари ва Миллий гвардия ходимлари томонидан амалга оширилмоқда.
Хусусан, Навоий вилоятида Миллий гвардия ва масъул вазирлик мутасадди раҳбарлари ҳамкорлигида Навоий шаҳридаги бозорлар, хиёбон ва истироҳат боғларида карантин чоралари кўрилганлиги, ташриф буюрувчиларда тиббий ниқобнинг мавжудлиги ва тана ҳароратининг текширилиши хизматга жалб этилган ходимлар назоратидалиги ўрганилди.
Аниқланган камчиликларни бартараф этиш юзасидан масъулларга тегишли топшириқлар берилди.
