Ташвиш тугмаси орқали қабул қилинган хабар натижасида кўнгилсиз ҳолатни олди олинди
29 январдан 30 январь кунига ўтар кечаси соат 1.12 да Тошкент шаҳар Яшнобод туманида жойлашган меҳмонхоналарнинг биридан ташвиш сигнали келиб тушган. Манзилга зудлик билан туман “Қўриқлаш” бўлими тезкор ҳаракатланувчи гуруҳи етиб борган ва бир нечта фуқароларнинг жанжаллашаётганини кўрган. Шундан сўнг, тезкор ҳаракатланувчи гуруҳ ва ички ишлар органи ходимлари томонидан жанжаллашаётган фуқаролар ажратилиб, уларни шахсига аниқлик киритиш мақсадида ИИО бўлинмасига етказилган. Ҳозирда мазкур ҳолат юзасидан Яшнобод тумани ИИО ФМБ суриштирув ишларини олиб бормоқда.