«ТЎМАРИС ИЗДОШЛАРИ» КЎРИК ТАНЛОВИНИНГ ВИЛОЯТ БОСҚИЧИ ЯКУНЛАНДИ
Юртимизда баҳор айёми шукуҳи кезмоқда. Баҳорий байрам 8 март – Халқаро хотин-қизлар куни муносабати билан Миллий гвардиянинг ҳудудий бўлинма ва муассасаларида ўтказилаётган «Тўмарис издошлари» кўрик танловининг вилоят босқичи ўз ниҳоясига етди.
Мусобақанинг Наманган, Жиззах, Сурхондарё вилоятларида ўтказилган саралаш босқичлари ҳам юқори кайфиятда, кўтаринки руҳда ўтди.
Миллий гвардия тизимида хизмат олиб бораётган аёл ҳарбий хизматчи ва ходималаримиз мусобақа шартларига кўра ўз билимлари, кенг дунёқарашлари, меҳнатсевар ва чаққонликлари, шу билан бирга, меҳрибон оила бекаси ва моҳир пазанда эканликларини намоён этдилар.
Танлов иштирокчиларининг ҳар бир чиқишлари ҳакамлар ҳайъати томонидан адолат мезони асосида одилона баҳоланди. Муросасиз ўтган беллашувда иштирокчилар махсус диплом ва совғалар билан тақдирландилар. Ғолиблар мусобақанинг Тошкент шаҳрида бўлиб ўтадиган Республика босқичига йўл олдилар.