ТУНГИ ТАЛОНЧИ ҚЎЛГА ОЛИНДИ
Жорий йилнинг 27 март куни соат 23:10 ларда, Навоий шаҳар “Дархон” савдо мажмуаси ва “Технопланет” савдо маркази ҳудудига пиёда патруллик йўналишига хизматга жалб этилган Қўриқлаш бошқармаси 2-Алоҳида батальони ходимлари Ғалаба шоҳ кўчаси томондан номаълум фуқарони баланд овозда ёрдам сўраганлигини эшитган ва бир нафар фуқарони югуриб кетаётганлигини кўриб уни тўхтатишган.
Воқеа жойига Навоий шахар ИИО ФМБнинг тезкор-тергов гуруҳи чақиртирилиб, ушланган шахс белгиланган тартибда кўздан кечирилганда, ёрдам сўраган фуқаро Навоий шаҳрида яшовчи, Б.У. га тегишли бўлган 1 дона қора рангли “Samsung S2” русумли қўл телефони, 1 дона қора рангли кармон ва унинг ичида 12 минг сўм нақд пул ва 1 дона банк пластик карточкаси борлиги аниқланган.
Дастлабки суриштирув ишлари давомида ушбу фуқаро 1985 йилда Бухоро вилоятида туғилган, Ё.Ф. эканлиги маълум бўлган.
Ушланган шахс ва унинг ёнидаги буюмлари тегишли тартибда ҳужжатлаштирилиб, Навоий шаҳар ИИО ФМБнинг тезкор-тергов гуруҳига ашёвий далиллар билан топширилган.
Ҳозирда мазкур ҳолат юзасидан Навоий шаҳар ИИО ФМБ томонидан суриштирув ишлари олиб борилмоқда.
