ЎҚУВЧИ ЁШЛАРГА БЎЛГАН ЭЪТИБОР КЕЛАЖАККА ЭЪТИБОР
Ёшларни ҳар томонлама қўллаб-қувватлаш, уларга муносиб шарт-шароитлар яратиш, юртга садоқат ва ватанпарварлик руҳида тарбиялаш, уларнинг бандлигини таъминлаш юртимизда энг устувор вазифалардан бири саналади. Миллий гвардия тизимида ҳам етук ва салоҳиятли, фидойи ёш кадрларни тайёрлаш масаласига алоҳида эътибор қаратилмоқда. Бунда “Темурбеклар мактаби” ҳамда Ҳарбий-техник институтида таҳсил олиш, шунингдек, иқтидорли ёшлар саралаб олиниб, республикамиз бўйлаб 56 та мактабларда ташкил қилинган “Ватанпарлик синфлари”да ўқитиш йўлга қўйилган.
Хусусан, Сурхондарё вилоятида ҳам Миллий гвардияга бириктирилган 4 та умумтаълим мактабларда “Ватанпарлик синфи” фаолияти йўлга қўйилган бўлиб, тизимли ишлар олиб борилмоқда.
Куни кеча ушбу таълим муассасаларининг бири бўлган ва Термиз шаҳрида жойлашган 9–сонли ихтисослаштирилган мактабга Миллий гвардия қўмондонининг биринчи ўринбосари бориб ўқувчи-ёшлар учун яратилган шарт-шароитлар билан танишди. Шунингдек, “Ватанпарлик синфи” да ўтказилаётган мустақил тайёргарлик машғулотларида иштирок этиб, ўқувчилар билан самимий ва очиқ мулоқотда бўлди.
Шундан сўнг, мактаб ўқувчилари ўртасида билими ва хулқи билан қолганларга намуна кўрсатаётган фаол ўқувчиларга эсдалик совғалари ҳамда мактаб маъмуриятига компьютер жамланмаси тақдим этилди.
