“Инсон ҳуқуқлари ҳимояси учун” кўкрак нишони совриндорларига топширилди
Халқаро Инсон ҳуқуқлари куни муносабати билан халқаро, давлат ва нодавлат нотижорат ташкилотлари вакилларидан бир қатор мутахассислар “Инсон ҳуқуқлари ҳимояси учун” кўкрак нишони билан тақдирланди. Лауреатлар Миллий гвардия Жамоат хавфсизлиги университети бошлиғи полковник Мирзаюсуп Рустамбаев ҳамда Миллий гвардия Марказий девони Юридик таъминлаш ва мурожаатлар билан ишлаш бошқармаси бошлиғи полковник Илҳом Тургунов ҳам бор. Улар инсон ҳуқуқлари соҳасида таълим ва илм-фанга қўшган муносиб ҳиссаси учун ушбу мукофотга сазовор бўлдилар.
Мукофотларни Инсон ҳуқуқлари бўйича Ўзбекистон Республикаси Миллий маркази директори академик Акмал Саидов топширди.
Миллий гвардия қўмондонлиги ва шахсий таркиби номидан Мирзаюсуп Ҳакимович ва Илҳом Тургуновични ушбу юксак мукофот билан самимий муборакбод этамиз ҳамда инсон ҳуқуқларини ҳимоя қилишдаги фаолиятларида янада катта муваффақиятлар тилаймиз.
