Мазкур Чемпионатда турли ёшдаги ва касбдаги икки юздан ортиқ киши, фақат соғлом турмуш тарзи тарафдорлари ва профессионал спортчилар иштирок этмоқда. Иштирокчиларнин 12 нафари Ўзбекистон Миллий гвардияси вакиллари бўлиб, улар пойтахт ва ҳудудий бошқармалар, Жамоат хавфсизлиги университети ҳамда Қўриқлаш бош бошқармаси бўлинмаларидан ташриф буюрган ҳарбий хизматчиларидир.
Мусобақа ўтказиладиган жой – пойтахт марказидаги “Ўзекспомарказ” Миллий кўргазмалар мажмуаси жойлашган кўркам боғ.

Чемпионат ташкилотчиси – Ўзбекистон триатлон федерацияси иштирокчиларнинг ёши, жинси, ижтимоий мавқеига чек қўймаган ва шу боис, ушбу йўналишларда иштирок этаётганлар орасида 6 ёшдан 60 ёшли иштирокчиларни кўриш мумкин.
Мусобақа эълон қилинганидан буён бир ҳафтадан ортиқ вақт мобайнида республикамизнинг турли ҳудудларидан 300 дан ортиқ киши иштирок этиш учун ариза топширган. Бироқ, об-ҳаво шароити боис, рўйхатдан ўтганларнинг юзга яқини келмади. Ёмғирдан ва паст ҳароратдан қўрқмаганлар шахсий чемпионатда ёки жамоавий мусобақада ғалаба қозониш учун йиғилишди.

Чемпионат уч босқичда – сузиш, велоспорт ва югуриш бўйича ўтказилади. Ҳар бир тоифа учун масофалар ҳар хил. Демак, мусобақа регламентига кўра, иштирокчилар икки асосий тоифага бўлинган: элита мутахассислари (23 ёшдан юқори) ва У-15 ўсмирлар (12-15 ёш); ҳаваскорлар (18-24, 25-29, 30-34, 35-39, 40-44, 45-49, 50-54, 55-59, 60 ёш ва ундан катта).

Икки кун аввал Тошкент давлат техника университетининг ёпиқ ҳовузида 6 ёшдан 12 ёшгача бўлган болалар ўртасида акватлон бўйича мусобақа бўлиб ўтди. Катта ёшдаги иштирокчилар бўлса, кўлда 750 метр сузиш орқали масофани босиб ўтишди.

Миллий гвардия вакиллари ўз йўналишлари бўйича яхши натижаларга эришмоқда ва улар орасида биринчи ўринни эгаллаган ғолиблар ҳам бор.
Бу Жамоат хавфсизлиги университети катта ўқитувчиси лейтенант Алина Ҳакимовадир. Алина Элита тоифасида иштирок этди ва эстафетанинг барча уч босқичидан ажойиб тарзда ўтди.

Эстафетада Самарқанд вилоятидан майор Муҳаммад Тўраев, лейтенант Дмитрий Зайтсев ва ҳарбий хизматчи Бахриддин Умаралиэвлар иштирок этиб, биринчи ўринни эгаллади. Шу билан бирга, уларнинг ҳар бири ўз босқичида энг яхши натижага эришди: 750 метрга сузиш (Б.Умаралиэв), 20 километрга велоспорт (D.Зайтсев), 5 километрга югуриш (M.Тўраэв).

Сафдошларимизни ғалаба билан табриклаймиз!

Чемпионат давом этмоқда ва ҳарбий хизматчиларимизга муваффақиятлар тилаймиз!