ВАТАН ҲИМОЯЧИЛАРИ КУНИ МУНОСАБАТИ БИЛАН ЎТКАЗИЛГАН “ОЧИҚ ЭШИКЛАР КУНИ”
Ўзбекистон Республикаси Қуролли Кучлари ташкил этилганлигининг 32 йиллигини ҳамда 14 январь – Ватан ҳимоячилари куни муносабати билан қатор ҳарбий-ватанпарварлик тадбирлари ўтказилмоқда. Миллий гвардиянинг Тошкент вилояти Қибрай туманида жойлашган ҳарбий қисмида ҳам ана шундай “Очиқ эшиклар куни” тадбири ва спорт мусобақалари ташкил этилди. Даставвал ҳарбий қисм маданият саройида маънавий-маърифий тадбир бўлиб ўтди. Тадбир давомида Тошкент туманида жойлашган 8, 22, 23, 26, 28, 29-умумий ўрта таълим мактаби ва Миллий гвардияга бириктирилган Паркент туманидаги 5-сонли мактабдан ташриф буюрган ўқувчилар ҳарбий оркестр ва ҳарбий хизматчилар томонидан амалга оширилган саф чиқишлари ва Миллий гвардия фаолиятига оид видео фильмни томоша қилишиб, ўзлари учун катта таассуротларга эга бўлишди. Шу билан бирга, ўқувчилар ҳам ўзлари тайёрлаб келган қўл жанги усулларини намойиш этишди.
Тадбирнинг иккинчи қисми ҳарбий анжом аслаҳалар кўргазмаси билан давом этди.
Шундан сўнг, спорт саройида "Ватан таянчи" болалар ва ўсмирлар ҳарбий-ватанпарварлик ҳаракати отрядлари ўртасида "Ватанпарварлар" ҳарбий-спорт мусобақаси ўтказилди. Мусобақалар учта шарт асосида бўлиб ўтди. Жумладан Арқон тортиш, арм-рейстлинг ва Мудофаага кўмаклашувчи “Ватанпарвар” ташкилоти Тошкент вилояти тасарруфидаги Келес ўқув-спорт техника клуби билан ҳамкорликда моҳир мерганлар беллашувлари ташкил этилди.
Якунда тадбирнинг фаол иштирокчилари ва мусобақаларида ғолиб бўлган ўқувчиларга ташкилотчилар томонидан диплом ва эсдалик совғалари топширилди.
