ВОЛЕЙБОЛ МУСОБАҚАСИ ҒОЛИБЛАРИ АНИҚЛАНДИ
Миллий гвардия бўлинмалари ўртасида спортнинг волейбол тури бўйича республика биринчилиги ўтказилди. Мазкур мусобақа 5 та гуруҳга бўлинган ҳолда ҳудудларда ташкил этилди. Ўз гуруҳида барчадан устун келган жамоалар Тошкент вилояти Тошкент туманида жойлашган “Универсал” спорт мажмуасида ўзаро куч синашдилар. Беллашув мобайнида ҳакамлар жамоаларнинг ҳар бир ҳаракатни синчиковлик билан кузатиб, баҳолаб бордилар.
Ҳал қилувчи Республика босқичига Тошкент вилоятидан 2 та ҳарбий қисм жамоаси етиб келди. Шунингдек Миллий гвардиянинг Қорақалпоғистон Республикаси, Наманган, Сирдарё, Бухоро вилоятлари бўйича бошқармалари ҳам ғолиблик учун муросасиз ўйин намойиш этдилар. Мусобақа финалида эса Миллий гвардиянинг Тошкент вилоятида жойлашган ҳарбий қисми ва Қорақалпоғистон Республикаси бўйича бошқармаси жамоалари чемпионлик учун беллашдилар.
Натижаларга кўра 3-ўрин Миллий гвардиянинг Чирчиқ шаҳрида жойлашган ҳарбий қисми жамоаси, 2-ўрин Қорақалпоғистон Республикаси бўйича бошқармаси жамоасига насиб қилган бўлса, фахрли 1-ўринни Тошкент вилояти Қибрай туманида жойлаш ҳарбий қисм волейболчилари қўлга киритдилар. Тадбир якунида ғолиб жамоалар Миллий гвардия қўмондонлиги томонидан медаль ва совғалар билан тақдирланди.
