ВОЛЕЙБОЛ МУСОБАҚАСИДА ҒОЛИБЛАР АНИҚЛАНДИ
Мамлакатимизда спортнинг барча турлари бўйича турнирлар, мусобақаларнинг мунтазам ўтказилиши аҳоли ўртасида соғлом турмуш тарзини шакллантиришга хизмат қилмоқда. Жумладан, куч тузилмалари орасида ташкил этилаётган спорт тадбирлари соғлом рақобатга асосланганлиги билан эътиборлидир.
Куни кеча пойтахтимиздаги “Матонат” спорт мажмуасида Ўзбекистон Республикаси Миллий гвардияси “Динамо” жисмоний тарбия – спорт жамияти Кенгаши томонидан ҳуқуқни мухофаза килувчи органлари ходимлари ўртасида спортнинг волейбол тури бўйича мусобақа ўтказилди. Мазкур спорт тадбирида 11 та жамоа иштирок этиб, улардан Миллий гвардия, Давлат хавфсизлик хизмати, Президент Давлат хавфсизлик хизмати, Ички ишлар вазирлиги, Божхона қўмитаси тузилмаларининг жамоалари 14 кун давомида 3 гуруҳга бўлинган ҳолда ўзаро ғолиблик учун баҳсларга киришишди. Мусобақа қизғин ва кўтаринки руҳда ўтди.
Муросасиз беллашувлар якунига кўра Давлат хавсизлик хизмати жамоаси биринчи ўринни, Миллий гвардия жамоаси иккинчи ўринни , Давлат хавсизлик хизмати Чегара қўшинлари жамоаси учинчи ўринни қўлга киритди.
Тадбир якунида ғолибларга ташкилотчилар томонидан медаль, диплом, кубок ва эсдалик совғалари Миллий гвардия алоҳида ҳарбий намунали-кўргазмали оркестрининг куй садолари остида топшрилди.
