ЎЗБЕКИСТОН ИЛК МАРОТАБА МИЛЛИЙ ГВАРДИЯ ТАШАББУСИ БИЛАН ХАЛҚАРО МИҚЁСДА ЎТКАЗИЛГАН КИНОЛОГ МУТАХАССИСЛАРНИНГ ХИЗМАТ КЎПКУРАШИ БЎЙИЧА МУСОБАҚАЛАРГА МЕЗБОНЛИК ҚИЛДИ
Миллий гвардия ташаббуси билан илк маротаба 16-20 май кунлари Давлат Божхона Қўмитаси Миллий кинология маркази ва Чирчиқ шаҳридаги ҳарбий дала майдонида “Кинолог мутахассисларнинг хизмат кўпкураши” бўйича очиқ мусобақалар бўлиб ўтди. Нуфузли беллашувларда, Россия Федерацияси, Қозоғистон,Беларусь Республикалари ҳамда мамлакатимиздаги ҳуқуқни муҳофаза қилувчи органларда фаолият олиб борувчи 22 нафар кинологлар ўзларига бириктирилган махсус хизмат итлари билан биргаликда шартларни бажардилар.
Турнирнинг иккинчи куни Тошкент вилояти Чирчиқ шаҳрида жойлашган ҳарбий дала майдонида старт олди. Иштирокчилар қўра ташлаш маросимидан сўнг, кетма кетлик асосида шартларни бажардилар. Ҳеч бир шарт иштирокчиларга олдиндан маълум қилинмаган бўлиб,турли вазиятлар орқали хизмат итлари ва кинологнинг чаққонлиги, тезкорлиги ва улар орасидаги ўзаро алоқалар синовдан ўтказилди. Шунингдек, улар из- қидирув йўналишдаги махсус шартни бажаришларига тўғри келди.
Иштирокчилар хизмат итлари билан биргаликда турли баландликдаги тўсиқлардан ошиб ўтиш шартида ҳам ўз эпчилликларини намойиш этдилар. Албатта ушбу нуфузли турнир барчанинг тажрибаси ва маҳоратини яна бир бор синовдан ўтказиш имконини берди.
Якуний натижаларга кўра жамоавий беллашувларда 3-ўрин Ўзбекистон Республикаси Мудофаа вазирлиги кинолог мутахассисларига, фахрли 2-ўрин эса Россия Федерацияси кинологлар жамоасига насиб этди. Ўзбекистон Республикаси Миллий гвардияси Қўриқлаш Бош бошқармаси йигитлари ва махсус хизмат итлари ушбу беллашувларда энг тенгсиз эканликларини намойиш этиб 1- ўринга муносиб кўрилди.
Шунингдек, Иштирокчилар, “Энг яхши иштирокчи”, “Энг яхши тўрт оёқли дўст”, “Хизмат биатлони йўналиши” каби номинациялар бўйича ҳам тақдирландилар. Шунингдек, беллашувларни ташкил этишда кўмаклашган ҳамкор ташкилотлар вакилларига ҳам эсдалик совғалари тақдим этилди.
