Давлат мукофотлари ўз эгаларига топширилди
Ўзбекистон Республикаси Президентининг Фармони билан Қуролли Кучларимиз ташкил этилганининг 31 йиллиги ва 14 январь – Ватан ҳимоячилари куни муносабати билан бир қатор ҳарбий хизматчи ва ходимлар юксак Давлат мукофотлари билан тақдирланди. Ушбу мукофотларни вазирлик ва идораларда тантанали топшириш маросимлари ўтказилмоқда.
Хусусан, Миллий гвардия тизимларида ўз бурчига садоқат ва намунали хизмат қилиб келаётган бир гуруҳ ҳарбий хизматчи ва ходимларни, хизмат вақтида мардлик кўрсатиб ҳалок бўлган сафдошларимизнинг яқинларини муносиб тақдирлаш мақсадида тантанали тадбир ташкил этилди.
Тадбирда Миллий гвардия қўмондони, генерал-майор Р.Джураев, фахрийлар, қўмондонлик шахсий таркиби ҳамда ёшлар иштирок этди.
Тантанали маросимда Миллий гвардия қўмондони тизимда ўтган қисқа давр мобайнида амалга оширилган туб ислоҳотлар ва уларнинг таҳлилига тўхталар экан, келгуси 2023 йилда бу ҳаракатларни максимал даражага олиб чиқиш ҳамда олдинда турган энг муҳим ва устувор вазифалардан бири ёшларни спрртга жалб этиш ва ҳарбий ватанпарварлик руҳида тарбиялашга алоҳида эътибор қаратилиши лозимлигини таъкидлади.
Тадбир давомида Давлатимиз раҳбари Фармони билан, тизимда хизмат олиб бораётган 17 нафар ҳарбий хизматчи ва ходимларга давлат мукофотлари 10 нафар ҳарбий хизматчи ва ходимларга навбатдаги “полковник” ҳарбий (махсус) унвонлари топширилди. 11 нафар ҳарбий хизматчи ва ходима аёллар “Тўмарис маликаси” кўкрак-нишони билан тақдирланди.
Хизмат чоғида ҳалок бўлган Миллий гвардия ҳарбий хизматчилари
ва ходимлари ёд этилиб, уларнинг оила аъзоларига пул мукофотлари ва қимматбаҳо совғалар тақдим этилди.
Шунингдек, Миллий гвардия қўмондонининг буйруғи билан кўкрак нишонлари фахрий ёрлиқ ҳамда қимматбаҳо ссовғалар ўз эгаларига топширилди.
