ҲАЙР-САХОВАТ ДИЛЛАРГА ҚУВОНЧ БАХШ ЭТМОҚДА
Эзгулик, шукроналик, меҳр-оқибат айёми бўлмиш муборак Рамазон ҳайити байрамида Республикамизнинг барча ҳудудларида хайрли тадбирлар амалга оширилмоқда.
Хусусан, меҳрга интиқ болажонларга қувонч улашиш мақсадида Миллий гвардия Тошкент шаҳри бўйича бошқармаси ташаббуси билан 31-сонли меҳрибонлик уйида байрам тадбири ташкил этилиб, меҳр-оқибат ришталари мустаҳкамланди.
Болаларга қувонч бахш этган тадбирда байрамона дастурхон безатилиб, махсус тайёрланган концерт дастури ва жанговар кўргазмали чиқишлар намойиши болажонларнинг кўтаринки кайфиятига сабаб бўлди.
Шунингдек, тадбир доирасида қурол-аслаҳа кўргазмаси ташкил этилиб, унда ўғил-қизлар ҳарбийларнинг шарафли вазифаларига оид қизиқарли маълумотларга эга бўлди.
Умид қиламизки, болажонларга берилаётган эътибор ва уларнинг бу каби самимий учрашувлардаги иштироки эртанги кунга бўлган ишончга замин яратади.
