ЁШЛАР УЧУН ЯРАТИЛАЁТГАН ИМКОНИЯТЛАР
2021 йил юртбошимиз томонидан "Ёшларни қўллаб-қувватлаш ва аҳоли саломатлиги йили" деб эълон қилиниши, юртимиз ёшларига қаратилган катта эътибор ва ишонч намунаси дейиш мумкин. Ёшларимизнинг порлоқ келажаги учун ҳар соҳада кенг имкониятлар яратилган. Хусусан, куни кеча Фарғона вилоятида Миллий гвардия Қўриқлаш бошқармаси ходимлари Юридик техникум ўқувчиларини тизимда ёшлар учун яратилган шарт-шароитлар билан яқиндан таништириш мақсадида давра суҳбати ўтказди.
Учрашувда бошқарма мутасаддилари томонидан Миллий гвардия Қўриқлаш хизмати фаолияти, соҳа ходимларига яратилаётган имкониятлар ва шароитлар, шунингдек жисмоний ва юридик шахслар мол-мулкларини ишончли қўриқловини таъминлаш борасида амалга оширилаётган чора-тадбирлар, Миллий гвардия сафларига ишга қабул қилиш тартиб ва талаблари ҳақида батафсил маълумотлар берилди. Учрашувда 50 дан ортиқ ёшлар ичидан айнан ҳарбий соҳага қизиқиши юқори бўлган йигит ва қизлар Қўриқлаш хизматининг мутахассис ходимлари билан ўзаро суҳбат қуриб, келгусида Миллий гвардия сафларида хизмат ўташ тартиблари тўғрисида батафсил маълумотлар олишди.
Таъкидлаш жоизки бу каби учрашувлар ёшларни ватанпарварлик руҳида тарбиялаш ҳамда Ватанимизга садоқат билан хизмат қиладиган баркамол авлод бўлиб етишишларига хизмат қилади.