Биринчидан, ёшларни ҳарбий-ватанпарварлик руҳида тарбиялаш бўйича Вазирлар Маҳкамасининг 2023 йил 29 июндаги 267-сон “Ёшларни ҳарбий-ватанпарварлик руҳида тарбиялаш ишлари самарадорлигини ошириш чора-тадбирлари тўғрисида” қарорига мувофиқ, 2023 — 2027 йилларда ёшларни ҳарбий-ватанпарварлик руҳида тарбиялаш ишлари самарадорлигини ошириш концепцияси ҳамда Концепциясини амалга ошириш бўйича “йўл харитаси” тасдиқланди. Концепция доирасида, Ўзбекистон ёшлар иттифоқи ва унинг ҳарбий қисм ва муассасалардаги бошланғич ташкилоти, Ёшлар сиёсати ва спорт вазирлиги, Ёшлар ишлари агентлиги, «Нуроний» жамғармаси , Республика Маънавият ва маърифат маркази, Ёзувчилар уюшмаси, Маданият ва туризм вазирлиги, Ўзбекистон «Ватанпарвар» ташкилоти, Ҳарбий-маъмурий секторлар, Мудофаа вазирлиги, Ички ишлар вазирлиги, Адлия вазирлиги, Кинематография агентлиги билан ҳамкорликда, ёшлар билан 2 мингдан ортиқ ҳарбий-ватанпарварлик, маданий-ҳордиқ, маънавий-маърифий ва оммавий-спорт тадбирлари, ҳуқуқбузарликлар профилактикаси ва қонунчилик тарғиботига қаратилган тарғибот-ташвиқотлар ўтказилади.
Бунда, «Ватан муқаддас, уни ҳимоя қилиш шарафли бурчдир!», «Эзгу амал», «Эр йигитнинг эр йигитга айтган гапи таъсирли бўлади!» «Ҳарбий қисмда бир куним!», «Ўзбекистон фарзандлари ботир бўлур», «Мард аскар ёшларга намуна», «Офицерлик мардлар касби!» шиорлари остида тарғибот тадбирлари олиб борилди. «Миллий армиямиз чинакам мардлик, фидойилик ва ватанпарварлик мактаби» “Маънавият соатлари”, «Ватан тараққиётига менинг ҳиссам» «Маҳорат дарслари», «Қўмондон ва ёшлар», «Раҳбар ва ёшлар», «Ибратли тенгдошим» мавзусида учрашувлар, «Ҳоким соати», «Прокурор сабоғи», «Ҳуқуқий тарбия соати», «Солиқ сабоғи» машғулотлари ташкил этилади. Ёшларга тинчлик ва хавфсизликни таъминлаш, ёт ғоялар, жиноятчиликка қарши курашишни ҳамда соғлом турмуш тарзини кенг тарғиб этувчи 30 дан ортиқ “бадиий ва ҳужжатли фильмлар” намойиш этиш ўтказилди.
Иккинчидан, ўтган даврда, Миллий гвардиясига бириктирилган халқ таълими тизимидаги 37 та ихтисослаштирилган ҳамда 19 та умумий ўрта таълим мактабларида умумий ўрта таълим фанлари доирасида ўқувчиларни ҳарбий-ватанпарварлик йўналишида ўқитишга ихтисослаштирилган синфлар фаолияти йўлга қўйилган.
2022/2023 ўқув йилидан бошлаб ҳарбий-ватанпарварлик йўналишига ихтисослаштирилган синфлари мавжуд бўлган 4 та умумий ўрта таълим мактаблари Ихтисослаштирилган таълим муассасалари агентлиги тизимига ўтказилди.
Миллий гвардия ташаббуси билан, Вазирлар Маҳкамасининг 2023 йил 23 февралдаги 75-сон қарорига мувофиқ, умумий ўрта таълим ва ихтисослаштирилган мактаблардаги “ҳарбий-ватанпарварлик йўналишига ихтисослаштирилган синфлар” фаолияти тартиби белгиланди, шунингдек Миллий гвардияга бириктирилган умумий ўрта таълим ва ихтисослаштирилган мактаблар рўйхати тасдиқланди.
Учинчидан, Вазирлар Маҳкамасининг 2023 йил 19 январдаги 21-сон “Ички ишлар органларининг хотин-қизлар масалалари бўйича бўлинмалари ҳузуридаги «Тўмарис издошлари» жамоавий гуруҳлари фаолиятини ташкил этиш чора-тадбирлари тўғрисида” Қарорига мувофиқ, жамоавий гуруҳ аъзоларига Ички ишлар вазирлиги Академияси ҳамда Жамоат хавфсизлиги университетига ўқишга киришда имтиёзлар берилди. Тавсиянома берилган Гуруҳлар аъзоларига ўзларининг олий таълим муассасаларига қабул қилишда қабул қилишнинг умумий сонидан 2 фоизли квота ажратилди.