ЮҚОРИ ЖИСМОНИЙ ТАЙЁРГАРЛИК- ЖАНГОВАР ШАЙЛИКНИНГ АСОСИДИР
Жиззах вилоятида футбол бўйича Миллий гвардия биринчилиги ўтказилди. Унда 16 та жамоа яшил майдонда ғолиблик учун кураш олиб борди. Барча баҳслар қизиқарли, кескин ва муросасиз кечди. Финал беллашувида Тошкент ва Қорақалпоғистон жамоалари майдонга тушишди. Ушбу ўйинда Тошкент шаҳар бошқармаси жамоаси зафар қучиб, ғолиб бўлди. Ўз-ўзидан фахрли иккинчи ўрин Қорақалпоғистон жамоасига насиб қилди.
Учинчи ўрин учун ҳамжиҳатликда тўп сурган Қашқадарё жамоаси футболчилари Фарғона жамоаси устидан яққол устунлик қилди.
Мусобақанинг ёпилиш маросимида ғолибларга кубок, медаль, диплом ва эсдалик совғалари топширилди. Шунингдек, спортчилар турли номинациялар бўйича ҳам муносиб тақдирландилар.
Шуни таъкидлаш жоизки, бу каби мусобақалар дўстона рақобатни ошириб, ҳарбий хизматчиларнинг ўзаро жамоа бўлиб бир мақсад сари ҳаракат қилишлари учун кенг замин яратмоқда.
