Ишга киритиб қўйишни ваъда қилиб, ноқонуний йўл билан пул топишни ўйлаган шахс қўлга олинди
Жиззах шаҳрида олинган хабарга кўра ДХХ, Прокуратура ва Миллий гвардия ходимлари ҳамкорлигида тезкор тадбир ўтказилди.
Унда фуқаро С.Ж.га 15 миллион сўм пул эвазига ўзининг танишлари орқали Мудофаа вазирлиги бўлинмаларига ишга жойлаб қўйишни ваъда қилган 41 ёшли фуқаро К.Г. Жиззах шаҳридаги “Марказий деҳқон бозори” ҳудудида келишилган пулнинг 10 миллион сўмини олдиндан олаётган вақтида ашёвий далиллар билан қўлга олинди.
Мазкур ҳолат юзасидан Департаментнинг Жиззах вилоят бошқармаси ходимлари томонидан тергов ҳаракатлари олиб борилмоқда.
Ҳурматли фуқаролар! Фирибгарларга ишониб қолиб Қонун бузилиши иштирокчиларига айланиб қолманг. Огоҳ бўлинг!.
