ЎЗАРО ТАЖРИБА АЛМАШИШ – ИШ САМАРАДОРЛИГИНИ ТАЪМИНЛАЙДИ
Миллий гвардия бўлинмаларидаги тарбиявий ва мафкуравий ишлар самардорлигини ошириш, ушбу йўналишда янги инновацион ғояларни ҳаётга татбиқ этиш ҳамда ўтган йил давомида тарбиявий ва мафкуравий ишлар соҳасида амалга оширилган ишларни таҳлил қилиб, истиқболдаги вазифаларни белгилаш мақсадида 2021 йил 27–30 январь кунлари Миллий гвардия ҳарбий қисм ва муасссасаларидаги тарбиявий ва мафкуравий ишлар органларининг ҳарбий хизматчилари билан Миллий гвардия Ихтисослаштирилган ўқув марказида 2020 йил якунлари таҳлил қилинди.
Тадбирда Миллий гвардия қўмондонининг соҳага оид бошқарув ҳужжатлари мазмун-моҳияти иштирокчиларга етказилди, тарбиявий ва мафкуравий ишлар органи ҳарбий хизматчилари ва ходимлари касбий малакасини ошириш, билим ва амалий кўникмаларини баҳолаш, бўлинмаларда ахлоқий-руҳий таъминотнинг сифат ва самарадорлигини ошириш ҳамда ҳуқуқбузарликларнинг олдини олишга қаратилган профилактик ишларни янада такомиллаштириш мақсадида иштирокчилар ўртасида ўзаро тажриба алмашилди, кундалик жанговар хизмат фаолияти жараёнида расмийлаштириладиган ҳужжатларни тизимлаштириш чоралари кўрилди.
Йиғин давомида ҳарбий хизматчилар Миллий гвардиянинг Чирчиқ шаҳрида жойлашган ҳарбий қисмига ташриф буюриб, у ерда яратилган шарт-шароитлар билан танишди. Шунингдек, Тошкент шаҳар қўриқлаш бошқармаси руҳий енгиллаштириш хонасида психолог мутахассислар томонидан ўтказилган тренинг машғулотларида иштирок этишди.
