Ўзбекистон Республикаси Миллий гвардияси ва Республика Маънавият ва маърифат маркази ҳамкорлигида “Мен ҳам ҳарбий бўламан” деб номланган китоб тақдимоти ўтказилди.
Миллий гвардия Маънавият ва маърифат марказида ўтказилган тақдимотда иштирок этган Республика Маънавият ва маърифат маркази раҳбари О.Ҳасанов, Миллий гвардия қўмондони ўринбосари ўринбосари полковник С.Мамаюсупов, Олий Мажлис Сенати аъзолари, ҳуқуқшунос олимлар, ёзувчилар сўзга чиқишиб, мазкур китоб ҳақида тадбирда қатнашган ҳарбий хизматчи ва ходимлар, курсантлар, муддатли ҳарбий хизматчилар, “Темурбеклар мактаби” ва Ҳарбий мусиқа академик лицей ўқувчилари, пойтахтимиздаги меҳрибонлик уйлари тарбияланувчиларига китобнинг қанчалик қизиқарли ва долзарб эканлигини сўзлаб беришди. Айнан ушбу китоб Ватанпарварликка йўғирилганлиги билан аҳамиятли эканлигини таъкидлашди. Унда тарих билан бугунги кун ҳамоханг эканлиги, замонавий технологиялардан фойдаланилганлиги, жумладан QR кодларни мобиль қурилмадан фойдаланган ҳолда ўқиш ва видео тасвирларни ёшлар кўриши мумкинлиги айтиб ўтилди.
Шунингдек, тадбир давомида Миллий гвардия Ашула ва рақс ансамбли хонандаларининг мусиқий чиқишлари, Жамоат хавфсизлиги университетининг ҳарбий хизматчиси томонидан яратилган “Жадидлар”га бағишланган қўшиқ куйланди. Бундан ташқари Миллий гвардия қўмондонлигига ёш ҳарбийлар учун “Мен ҳам ҳарбий бўламан” номли китобнинг дастлабки 100 таси тақдим этилди. Албатта ўтказилаётган бу каби тадбирлар ватанпарварликни юксалтиришга қаратилганлиги билан ҳам аҳамиятлидир.
