Ўзбекистон Республикаси Миллий Гвардияси ҳамда Мактабгача ва мактаб таълими вазирлиги ҳамкорлигида Республикамиз вилоятларида Миллий гвардияга бириктирилган 56 та мактабнинг ҳарбий-ватанпарварлик синфларининг чақирувга қадар бошланғич тайёргарлик фани ўқитувчилари учун ўқув йиғинига старт берилди.
“Темурбеклар мактабида" бўлиб ўтаётган тадбирнинг очилиш маросимида Ўзбекистон Республикаси Миллий гвардияси қўмондони ўринбосари полковник С.Мамаюсупов ва Мактабгача ва мактаб таълими вазири ўринбосари Дилшод Кенжаев иштирок этишиб, мазкур ўқув йиғинининг ўқувчиларни ватанпарварлик йўналишида тарбиялашда жуда муҳим ўрин тутишига алоҳида тўхталиб ўтди.
Ушбу тадбирдан кўзланган мақсад чақирувга қадар бошланғич тайёргарлик фани ўқитувчиларини билим ва малакасини ошириш, жанговар шайлигини синовдан ўтказиш ва ватан тақдирига дахлдорлик ҳисини кучайтиришдан иборат.
Мазкур тадбир давомида машғулотлар 5 кун давомида бўлиб ўтади. Ўқитувчилар учун бир қатор пойтахтимиздаги диққатга сазовор масканларга саёҳатлар режалаштирилган. Жумладан, “Ғалаба боғи” ёдгорлик мажмуаси, “Ўзбекистон Республикаси Қуролли Кучлар тарихи Давлат музейи” ва “Қатағон қурбонлари хотираси давлат музейига” экскурсиялар ҳам ташкил этиш режалаштирилган.
Шунингдек, улар Миллий гвардия тизимидаги таълим муассасалари ва бўлинмалари фаолияти билан ҳам танишишади.
Ўқув йиғинидан кўзланган яна бир мақсад келгусида улар ўз ҳудудларидаги устозлар учун ўқув-йиғинларини ташкил этишлари кўзда тутилган.
Маълумот учун: мазкур ўқув йиғини 9 январга қадар давом этади
