Жорий йилнинг 12 август куни Ўзбекистон Республикаси харбий прокуратураси томонидан "Инсон манфаатлари ҳамма нарсадан устун" тамойили асосида оммавий сайёр қабул ўтказилди.
Мутасадди вазирлик ва қўмондонлик раҳбарлари иштирок этган мазкур сайёр қабулда 550 дан Марказий харбий округ тасарруфидаги харбий қисмлар, Фавқулотда вазиятлар бошқармаси, Миллий гвардия Жиззах вилояти бўйича бошқармаси ва Жиззах вилояти Қўриқлаш бошқармаси харбий хизматчилари ва ходимлари ҳамда уларнинг оила-аъзолари ўз мурожатлари билан иштирок этдилар. Шу кунги қабулда хизмат уйи ажратиш, харбий хизматчиларнинг турмуш ўртоғларининг бандлигини таъминлаш, мактаб ва мактабгача таълим муассасаларига фарзандларини жойлаштириш, тиббий кўрикга ва даволанишга мухтож бўлган харбий хизматчилар ва ходимлар ҳамда уларнинг оила аъзолари учун йўлланмалар ажратиш каби 200 га яқин масалалар кўриб чиқилиб муаммолар бартараф этилди. Вақт ва ўрганиш талаб қилинадиган масалалар мутасаддиларга юклатилиб ижроси назоратга олинди. Ўнлаб мурожатчиларга хуқуқий маслахатлар берилди. Бир сўз билан айтганда шу каби сайёр қабулларнинг кўплаб ўтказилиши харбий хизматчи ва уларнинг оила аъзоларининг ижтимоий химоясини таъминлаш, уларни қийнаётган муаммоли масалаларни эрта хал қилиш, етарлича қулай шароитлар яратиш билан бир қаторда ватанга садоқатли хизмат қилишларида, машаққатли ва шарафли хизматларидан чалғитувчи хар қандай омилларни бартараф қилишлиги билан ахамиятли хисобланади.
