ОЗАРБАЙЖОН РЕСПУБЛИКАСИ БИЛАН ҲАМКОРЛИКНИНГ ИСТИҚБОЛЛИ ЙЎНАЛИШЛАРИ
Жорий йилнинг 16 февраль куни пойтахтимизда Ўзбекистон Республикаси Миллий гвардияси қўмондони генерал-майор Р. Джураев ҳамда Озарбайжон Республикасининг Ўзбекистондаги Фавқулодда ва Мухтор элчиси Г.Гулиев билан учрашув бўлиб ўтди.
Тадбир давомида томонлар ҳуқуқни муҳофаза қилиш соҳасидаги икки томонлама ҳамкорликнинг ҳолати юзасидан фикр алмашдилар ва ҳамкорликнинг истиқболли йўналишларини муҳокама қилдилар.
Жумладан, Ўзбекистон Республикаси Миллий гвардияси ва Озарбайжон Республикаси ички ишлар вазирлиги ички қўшинлари ўртасидаги ҳамкорликни ривожлантириш ва мустаҳкамлаш масалалари кўриб чиқилди.
Томонлар ўзаро манфаатли барча соҳаларда икки томонлама ҳамкорликни ривожлантириш ҳамда мустаҳкамлашга тайёр эканликларини билдирдилар.
Учрашув дўстона ва конструктив мулоқот руҳида ўтди.
