Chirchiq shahrida “Qo‘riqlash” bo‘limi xodimlari tomonidan 13 tonnadan ortiq rangli metallar talon-taroj qilinishi oldi olindi
Joriy yilning 19 aprel kuni Toshkent viloyati “Qo‘riqlash” boshqarmasi xodimlari tomonidan harakatlanayotgan vaqtida shubha uyg‘otgan MAN rusumli yuk avtomobili kuzatilganda, Chirchiq shahridagi “O‘zmetkombinat” AJ korxonasi hududidagi qora metall qabul qilish shahobchasiga kirib tarozidan o‘tayotganda to‘xtatilib, tekshiriladi. Xolislar ishtirokida yuk avtomobilining tirkama qismi o‘rnatilgan tartibda ko‘zdan kechirilganda, davlat mulki bo‘lgan taxminiy og‘irligi 13 tonnadan ortiq ximiyaviy aralashmalar uchun mo‘ljallangan rangli metallar borligi aniqlanadi.
Dastlabki surishtiruvlar jarayonida yuk avtomobili haydovchisi 1967 y.t., Chirchiq shahrida yashovchi F.E ekanligi, mazkur yukning hech qanday hujjatlari yo‘qligi maʼlum bo‘ladi.
Hozirda, mazkur holat yuzasidan “Qo‘riqlash” boshqarmasi xodimlari tomonidan tergovga qadar surishtiruv ishlarini olib borish uchun Chirchiq shahar IIOFMB ga hujjatlar taqdim qilingan.
