Коррупцияга қарши курашиш
Ҳозирда коррупциявий омилларни бартараф этиш ва коррупцияга нисбатан муросасиз муносабатни шакллантиришга қаратилган ишлар “Коррупцияга қарши курашиш тўғрисида”ги Қонунга асосан Миллий гвардия органларида давом эттирилмоқда.
Ўтган даврда Миллий гвардиянинг идоравий комиссияси томонидан давлат харидлари тўғрисидаги қонунчилик ҳужжатлари талабларини бузилишини олдини олиш, фуқароларни ишга ва ўқишга қабул қилишда танловлар очиқлиги ва шаффофлигини таъминлаш, моддий-техник, озиқ-овқат, тиббиёт ва санатория-курорт таъминотини тўғри ташкил этиш, шахсий таркибга ва фуқароларга имтиёзлар тақдим этиш (таълим квотаси, кредит ва мукофотлар бериш), маъмурий амалиёт йўналишларни “коррупциядан холи соҳага” айлантириш борасида тизимли ишлар бажарилди.
Коррупция билан боғлиқ мурожаатларни қабул қилиш учун “Шахсий хавфсизлик бошқармасининг ҳудудий бўлимлари ишонч телефонлари” рўйхати Миллий гвардиянинг milliygvardiya.uz расмий веб-сайтида эълон қилинган.
Бундан ташқари, “1215 ва 1131 қисқа рақамли тезкор алоқа телефонлари”, фаолият юритмоқда.
Миллий гвардия марказий девони Юридик таъминлаш ва мурожаатлар билан ишлаш бошқармаси бўлим бошлиғи Маҳмуд Очилов
