Ҳурматли сафдошлар, азиз аёллар ва қадрли опа-сингиллар!

Оила ва жамият устуни, ҳаётимиз файзи ва кўрки бўлган аёлларни эъзозлаш, уларга ҳурмат ва эҳтиром кўрсатиш халқимиз учун азал-азалдан буюк қадрият бўлиб келган.

Юртимизда баҳор нафаси ва байрам шукуҳи кезиб юрган айни кунларда эзгулик ва гўзаллик байрами “8-март – халқаро хотин-қизлар куни” билан барча аёл ҳарбий хизматчиларни, муҳтарама оналаримиз, мунис опа-сингилларимиз ва дилбар қизларимизни самимий табриклаб, энг эзгу тилакларимни изҳор этаман.

Бугунги кунда мамлакатимизда хотин-қизларга муносиб эътибор қаратилиб, уларнинг давлат ва жамият ҳаёти, илм-фан, таълим-тарбия, тадбиркорлик, айниқса ҳарбий соҳада фаолият олиб бораётгани ва эркаклардан кам бўлмаган натижаларга эришаётгани барчамиз учун қувонарли ҳолдир.

Муҳтарам Президентимизнинг “Маълумки, ҳар қандай жамият ва давлатнинг қай даражада халқпарвар ҳамда адолатли экани унинг хотин-қизларга бўлган муносабати ва ғамхўрлиги билан белгиланади” деган чуқур маъноли сўзлари аёлларимизга эътибор ва ғамхўрлик кўрсатишни инсоний бурчимиз эканлигини эслатиб туради.

Миллий гвардия сафларида машаққатли ва шарафли бурчларини бажариб, Ватанимиз тинчлиги, халқимиз осойишталигини таъминлашга, жамоат тартибини сақлашга, шунингдек, ёш авлодни ватанпарварлик рухида тарбиялаш ва уларга таълим беришга, бизни саломатлигимизни асрашга муносиб ҳисса қўшаётган барча бўғиндаги фидойи гвардиячи аёлларимизни, азиз опа сингилларимизни хизматларини юксак қадрлаймиз.

Келгусида ҳам оила юмушлари, фарзанд тарбияси билан бирга, сафларимизда фидокорона хизмат қилаётган опа-сингилларимизни ҳар томонлама қўллаб-қувватлаш, уларни ижтимоий ҳуқуқларини ҳимоялаш масаласи доимо эътиборимиз марказида бўлади.

Сиз, азиз ва мўътабар опа-сингилларимизни яна бир бор 8-март Халқаро хотин-қизлари куни байрами билан чин дилдан қутлаб, барчангизга сиҳат-саломатлик, хонадонларингизга тинчлик-хотиржамлик, файзу барака тилайман.

Байрамингиз муборак бўлсин!

 Ҳурмат билан!

Миллий гвардия қўмондони

генерал-майор Джураев Рустам Мирзаевич