Ўзбекистон Республикаси Президентининг 2021 йил 29 ноябрдаги ПФ-27-сон “Ўзбекистон Республикаси жамоат хавфсизлиги концепциясини тасдиқлаш ва уни амалга ошириш чора-тадбирлари тўғрисида” ги Фармони асосида Миллий гвардия Қўриқлаш бош бошқармаси Тошкент минтақавий ўқув маркази ўз фаолиятини бошлади ва тантанали очилиш маросими бўлиб ўтди.
Ўзбекистон Республикаси Президентининг 2021 йил 29 ноябрдаги ПФ-27-сон “Ўзбекистон Республикаси жамоат хавфсизлиги концепциясини тасдиқлаш ва уни амалга ошириш чора-тадбирлари тўғрисида” ги Фармони асосида Миллий гвардия Қўриқлаш бош бошқармаси Тошкент минтақавий ўқув маркази ўз фаолиятини бошлади ва тантанали очилиш маросими бўлиб ўтди.
Миллий гвардиянинг Тошкент вилояти ва Тошкент шаҳар Қўриқлаш бош бошқармасида хизмат қилиб келаётган ходимлар учун мазкур ўқув марказда замонавий ўқув синф хоналари, спорт зал, кутубхона, ётоқхона ва электрон тир хоналари ташкил этилиб, уларнинг билим олишлари, спорт билан мунтазам шуғулланиши ва дам олишлари учун барча шароитлар яратилган.
Мазкур фармонга мувофиқ ушбу ўқув марказда нафақат Миллий гвардия Қўриқлаш бош бошқармаси ходимларини, балки ички ишлар органлари ва бошқа куч тузилмаларнинг ходимлари, ҳарбий хизматчиларини ҳамда вазирлик ва ташкилотларнинг идоравий ҳарбийлаштирилган қўриқлаш ходимларини ўқитиш, тайёрлаш борасида вазифалар белгилаб берилди.
Мазкур иншоотда Тошкент минтақавий ўқув маркази билан бирга Юнусобод тумани қўриқлаш бўлимининг жойлаштирилганлиги тингловчиларнинг сифатли таълим олишларига ҳамда амалий билим ва кўникмаларини оширишда муҳим аҳамият касб этади.
Бугунги кунда ёшларни ҳарбий-ватанпарварлик руҳида тарбиялаш, спортга кенг жалб қилиш ва уларни келгусида билимли бўлиб камол топишини таъминлаш борасида ушбу ўқув маркази биносида Шайхонтоҳур тумани “Лабзак” маҳалла ёшлари фойдаланиши ва улар учун спорт тўгараклари фаолияти йўлга қўйилиши, шунингдек турли ватанпарварлик ва маданий тадбирлар ўтказилиши режалаштирилган.
