Навоийни ёд этиб
Миллий гвардия Фарғона минтақавий ўқув марказида Низомиддин Мир Алишер Навоийнинг ўлмас асарларини тингловчилар ўртасида кенг тарғиб қилиш, бой ва серқирра ижодий меросини чуқур ўрганиш мақсадида, 9 февраль Низомиддин Мир Алишер Навоийнинг таваллуд айёмига бағишлаб Навоийхонлий кечаси ўтказилди.
Шунингдек, маънавий – маърифий кечада тингловчилардан томонидан шоирнинг ҳаёти ва ижодини ёритиб берувчи саҳна кўринишлари намойиш этилди. Ўқув марказида ташкил этилган "Ёш гвардиячилари" клуби аъзолари томонидан шиорнинг ғазаллари мутолаа қилинди. Дарҳақиқат, мутафаккир бобомизнинг ҳаёти ва ижодини ўрганар эканмиз, умри давомида бунёдкорлик, яратувчанлик ишларида шахсий ибрат кўрсатганини англаймиз. Низомиддин Мир Алишер Навоий асарларида эл-улус хизматида бўлишдек шарафли касбнинг аҳамияти, халқ манфаатлари ҳар нарсадан устунлиги, вафо, садоқат каби туйғулар поклиги таърифланган. Бу каби эзгу ғояларни изчил ўрганиш, ўқув маркази тингловчиларнинг онгу шуурига чуқур сингдириш оқил ва билимли мутахассисларни, комил инсонларни вояга етказишда муҳим омил бўлади.
