“8 – март Халқаро хотин-қизлар куни” муносабати билан Миллий гвардия аёл ҳарбий хизматчи ва ишчи ходимлари учун байрамона тадбир ташкил этилди
Тантанали маросимда Миллий гвардия қўмондони генерал-майор Р.Джураев, тизимида хизмат қилиб келаётган фидойи ва жонкуяр опа-сингилларимиз, шунингдек турли соҳаларда елкадош бўлиб келаётган дилбар аёлларимизга муносиб эҳтиром кўрсатиб самимий тилакларини билдирди.
Давлатимиз раҳбарининг Халқаро хотин-қизлар кунига бағишланган тантанали маросимда таъкидлаб ўтганидек, “Чиндан ҳам, меҳр-оқибат, олижаноблик, муҳаббат ва садоқат каби юксак инсоний қадриятларни камол топтиришда, оила қўрғонини мустаҳкамлашда сизларнинг хизматингизни ҳеч нарса билан қиёслаб бўлмайди”
Дарҳақиқат бугунги кунда ҳурматли аёлларимиз турли соҳа ва тармоқларда Ватанимизнинг жадал тараққиёти учун ўз ҳиссаларини қўшиб келмоқдалар. Хусусан, Миллий гвардия сафларида ҳам йигитлар билан бир қаторда, юртимиз тинчлиги ва халқимиз осойишталигини таъминлашдек олий мақсад йўлида хизмат қилиб келаётган аёл ҳарбий хизматчиларимиз, Янги Ўзбекистон таянчи ва бунёдкори бўлган ёш авлоднинг тарбиясида ҳам жонкуярлик билан муносиб ҳиссаларини қўшиб келмоқдалар.
Байрам муносабати билан, тизимдаги шу каби жонкуяр ва фидойи гвардиячи аёлларнинг бир гуруҳи ҳамда соҳа ривожи учун елкадош бўлиб келаётган дилбар аёлларимиз Миллий гвардия қўмондони буйруғи билан, идоравий кўкрак нишонлари, дастлабки ҳарбий унвон, фахрий ёрлиқ ва эсдалик совғалари билан муносиб тақдирландилар.
