ҲАЁТИМИЗ ҚОМУСИ БЎЛГАН КОНСТИТУЦИЯМИЗНИНГ 29 ЙИЛЛИГИ МУНОСАБАТИ БИЛАН ТАНТАНАЛИ ТАДБИР БЎЛИБ ЎТДИ
8 декабрь – Ўзбекистон Республикаси Конституцияси қабул қилинган кун муносабати билан Миллий гвардия марказий девонида видео-селектор тарзидаги байрамона тадбир ўтказилди. Миллий гвардия қўмондони Р.Джураев байрам муносабати билан барча шахсий таркибни самимий муборакбод этиб, сиҳат-саломатлик, оилавий хотиржамлик, шарафли ва масъулиятли хизматлари йўлида улкан зафарлар тилади.
Шунингдек, юртимиз тинчлиги ва халқимиз осойишталигини таъминлаш йўлида ўзининг фидокорона хизматлари билан муносиб ҳисса қўшиб келаётган бир гуруҳ ҳарбий хизматчи ва ходимлар байрам муносабати билан Миллий гвардия қўмондони буйруғига асосан тақдирландилар.
Миллий гвардия тизимида хизмат қилаётган ҳарбий хизматчи ва ходимлардан 4 нафарига навбатдаги ҳарбий ва махсус "полковник" унвонлари, 2 нафар ҳарбий хизматчига "подполковник" унвони, 14 нафарига ҳарбий ва махсус “майор” унвони, 21 нафарига ҳарбий ва махсус “капитан” унвони, 11 нафарига ҳарбий ва махсус “катта лейтенант” унвони, шунингдек 24 нафар ҳарбий хизматчи ва ходимларга илк офицерлик “лейтенант” унвонлари топширилди.
Барча сафдошларимизни байрам билан самимий муборакбод этиб, келгуси хизматларида муваффақиятлар тилаймиз!
