"Амир Темур - мардлик ва жасорат тимсоли"
Марказлашган давлат асосчиси, буюк саркарда, Соҳибқирон Амир Темур таваллудининг 687 йиллиги муносабати билан Миллий гвардия Ихтисослаштирилган ўқув маркази томонидан Ўзбекистон Республикаси Фанлар академияси Темурийлар тарихи давлат музейида "Амир Темур -мардлик ва жасорат тимсоли" мавзусида маънавий-маърифий тадбир ташкил этилди.
Дастлаб Темурийлар тарихи давлат музейи анжуманлар залида Ихтисослаштирилган ўқув марказ тингловчиларига Ўзбекистон Республикаси Фанлар академияси Темурийлар тарихи давлат музейи катта илмий ходими, тарих фанлари номзоди, доцент О.Рахматуллаева ва музей илмий ходими Ф.Авазовлар томонидан Амир Темурнинг ҳарбий жанг санъатига қўшган улкан ҳиссаси ҳамда “Темур тузуклари” юзасидан сўнгги илмий изланишлар натижалари бўйича давра суҳбати ташкил этилиб, тингловчиларни қизиқтирган саволларга батафсил маълумотлар берилди.
Шундан сўнг, музей мутахассислар ҳамроҳлиги остида тингловчилар гуруҳларга бўлиниб музей бўйлаб саёҳат ташкил этилди.
Ўтказилган маънавий-маърифий тадбир Республикамизнинг олис манзилларидан келган ёш тингловчиларда унутилмас таассурот қолдирди десак муболаға бўлмайди, албатта.
