Ангрен шаҳрида тўрт юзга яқин ёшлар иштирокида “Мен ватанпарварман“ шиори остида ҳарбий-ватанпарварлик тадбирлари бўлиб ўтди
Ҳарбий прокуратура ташаббуси билан Мудофаа вазирлиги, Миллий гвардия, Ангрен шаҳар ҳокимлиги, мактабгача ва мактаб таълими бўлими ҳамкорлигида Ангрен шаҳрининг олис ҳудудидаги 43-сонли умумтаълим мактабида ватанпарварлик тадбири ўтказилди.
Тўрт юзга яқин ёшлар иштирокида “Мен ватанпарварман“ шиори остида ўтган тадбир Давлатимиз мадҳиясини жўр бўлиб ижро этишдан бошланди.
Сўз олганлар Ватан, тинчлик қадри, буюк аждодларимиз мероси, бугунги Янги Ўзбекистон шароитида ёшларга яратилган имкониятлар, осойишта юртимизни ҳимоя қилишда ҳарбийларнинг ўрни ҳақида эътироф этишди.
Ўз навбатида, ўқувчилар ўқиб берган ватанпарварлик руҳидаги шеърлар қатнашчилар томонидан давомли олқишлар билан кутиб олинди.
Фаол қатнашган ёшлар ташкилотчилар томонидан тақдирландилар.
Ҳарбийларнинг Ватан ҳақидаги куй-қўшиқлари ёшларнинг шодон ўйин-кулгилари билан қарши олинди.
