АҲОЛИ БАНДЛИГИНИ ТАЪМИНЛАШ ЙЎЛИДАГИ ТАДБИРЛАР ДАВОМ ЭТМОҚДА
Юртимизнинг барча ҳудудларида улкан бунёдкорлик ишлари амалга оширилиб, иқтисодиётимиз тараққиёти, халқимиз фаровонлигини таъминловчи кўплаб тизимли ишлар давом этмоқда.
Хусусан, куни кеча Яшнобод тумани Бешариқ маҳалласида “Ёшлар дафтари” “Темир дафтар” ҳамда “Аёллар дафтари” га киритилган бандлиги таъминланмаган ва ижтимоий ҳимояга муҳтож бўлган фуқароларга ёрдам бериш ҳамда уларнинг муаммоларини ижобий ҳал этиш мақсадида 2 сектор раҳбари томонидан Миллий гвардия ҳарбий хизматчилари ва ИИВ ходимлари иштирокида йиғилиш бўлиб ўтди.
Унда фуқароларнинг муаммолари ўрганилиб, “ Аёллар дафтари”га киритилган, вақтинча ишсиз бўлган 4 нафар аёл бандлиги таъминланди.
Шунингдек, ногирон фарзанди бор бўлган фуқарога 980 минг сўм миқдорида ёрдам пули ажратилиб, ёшлар дафтарига киритилган, уюшмаган ёшлар ҳисобида турувчи 2 нафар фуқарога давлат бюджети ҳисобидан муддатли ҳарбий хизматни ўташ учун йўлланма берилди.
