Аҳоли муаммоларини аниқлаш ва уларни бартараф этиш ҳамда криминоген вазият барқарорлигини таъминлаш юзасидан Миллий гвардия қўмондони Р.Джураев бошчилигидаги идоралараро ишчи гуруҳ Бухоро вилоятидаги ўрганиш ишларини давом эттирмоқда
Ўрганишлар давомида вилоят аҳолисининг электр энергияси, газ ҳамда ичимлик суви билан таъминланиш аҳволи ва фуқароларнинг ушбу тизимдан розилиги, истеъмол бозорларидаги нарх-наво барқарорлиги, ҳудуддаги ижтимоий-иқтисодий жиҳатдан оғир маҳаллаларда бешлик (сектор раҳбарлари, маҳалла раислари, маҳалладаги ҳоким ёрдамчилари, ёшлар етакчилари ва хотин-қизлар фаоллари) томонидан фуқароларни қабул қилиш ва уларнинг муаммоларини ҳал этиш амалиётига оид масалаларга алоҳида эътибор қаратилмоқда.
Ёшлар сиёсатига оид масалалар эса Миллий гвардия қўмондонининг ҳар доимгидек асосий эътиборида бўлиб мактабларда ўқувчилар учун яратилган шароитлар, уларни ҳарбий ватанпарварлик руҳида тарбиялашга қаратилган чора-тадбирлар, ҳар бир ўқувчини иқтидорини юзага чиқариш ва касбга йўналтириш масалалари, ёшларни оммавий спортга жалб қилиш ва қизиқишларини инобатга олган ҳолда спорт тўгараклари ташкил қилган ҳолда бўш вақтларини мазмунли ўтказишларига қаратилган ишлар, жумладан ушбу йўналишлардаги мавжуд муаммолар ўрганилди.
Шунингдек, аҳолини ташвишга солаётган долзарб кундалик ижтимоий-маиший муаммоларни ҳал этишда секторлар фаолиятининг самарадорлиги, ишсизлик ва камбағалликни қисқартириш, оилавий тадбиркорлик, ёшлар ва аёлларнинг ташаббускор лойиҳаларига кўмаклашиш чоралари кўрилмоқда.
Тадбир давомида аниқланган камчилик ва муаммолар ҳамда уларни тезкор ечими юзасидан ишчи гуруҳ таркибидаги мутасадди раҳбарларга аниқ вазифалар ва уларнинг ижро муддатлари белгилаб берилди.
