ҲАРБИЙ ХИЗМАТЧИ ВА ХОДИМЛАР ҲАМДА УЛАРНИНГ ОИЛА АЪЗОЛАРИ БИЛАН ИШЛАШДА ЯНГИЧА ЁНДАШУВ
Миллий гвардия тизимида Хотин-қизлар жамоатчилик кенгаши фаолиятини такомиллаштириш алоҳида аҳамият қаратилмоқда. Шу мақсадда пойтахтимиздаги Миллий гвардия Маънавият ва маърифат марказида ҳарбий хизматчи ва ходимлар ҳамда уларнинг оила аъзолари ҳамда ишчи-хизматчилар ўртасида хотин-қизлар билан ишлаш самарадорлигини оширишга қаратилган ўқув йиғини ўтказилди.
Унда “Оиланинг жамиятда тутган ўрни ва вазифалари” мавзусида иншолар танлови, маънавий-маърифий тайёргарликдан билим даражаси бўйича тест синовлари, якка тартибда соҳага оид савол-жавоблар ўтказилди.
Шунингдек, Тошкент шаҳар қўриқлаш бошқармасида “Оилавий зўравонликга қарши курашиш индикатори” мавзусида Республика маънавият ва маърифат маркази профессор мутахассислари билан биргаликда ҳарбий хизматчи ва ходимлар ҳамда уларнинг оила аъзолари учун учрашув ташкиллаштирилди.
Абдулла Қодирий номидаги “Ахборот-кутубхона маркази”да Оила ва хотин-қизлар қўмитаси, Соғлиқни сақлаш вазирилиги Оналик ва болалик муҳофазаси бўлими, Камбағалликни қисқартириш ва бандлик вазирлиги мутахассислари билан ҳамкорликда ўқув йиғини иштирокчилари учун “Оила ва хотин-қизларни тизимли қўллаб қувватлаш ҳамда оилавий муносабатларни мустаҳкамлашга доир ишларни янада жадаллаштириш чора-тадбирлари” мавзусида давра суҳбати ва амалий-тренинг ўтказилди. Албатта ташкиллаштирилган ушбу ўқув йиғини Ўзбекистон Республикаси Миллий гвардияси бўлинмаларида ҳарбий хизматчилар ва уланинг оила аъзолари билан ишлаш бўйича жорий этилган катта офицер лавозимига номзодлар учун чин маънода маҳорат дарси бўлди десак муболаға қилмаган бўламиз.
