ҲАРБИЙ ХИЗМАТЧИ ВА ХОДИМЛАРНИНГ ФАРЗАНДЛАРИ ЎРТАСИДА СПОРТНИНГ МИНИ ФУТБОЛ ТУРИ БЎЙИЧА МУСОБАҚА ЎТКАЗИЛДИ
Жорий йилнинг 7 октябрь куни Миллий гвардия Маънавият ва маърифат маркази ҳудудида жойлашган спорт майдонида Миллий гвардиянинг Тошкент шаҳри ва вилоятида жойлашган ҳарбий қисмлари ва таълим муассасаларида фаолият юритаётган ҳарбий хизматчи ва ходимларнинг фарзандлари ўртасида спортнинг мини футбол тури бўйича мусобақа ўтказилди.
Ёшларни спортга жалб этиш ва спортнинг футбол турига бўлган қизиқишини янада ошириш ҳамда соғлом дунё қарашни шакллантириш мақсадида ўтказилган ушбу мусобақада 4 та жамоа болалари ўзаро ғолиблик учун куч синашишди.
Қизғин ва муросасиз ўтган спорт тадбирида ҳар бир жамоа аъзолари майдонда мардонавор ҳаракат қилди. Қизиқарли баҳсларга бой бўлган мусобақада Миллий гвардия Тошкент шаҳар бўйича бошқармаси ҳарбий хизматчиларининг фарзандлари ғалабаси билан якунланиб, ғолибга айланди. Тошкент шаҳар Қўриқлаш бошқармаси ходимларининг фарзандларидан иборат жамоа 2-ўринни, Миллий гвардиянинг Қибрай туманида жойлашган бригадаси ҳарбий хизматчилари фарзандларининг жамоаси эса 3-ўринни эгаллади.
Мусобақа якунида ғолиб жамоа ташкилотчилар томонидан диплом, кубок, медаллар ва эсдалик совғалари билан рағбатлантирилди. Бир сўз билан айтганда, ушбу кичик спорт ўйинлари келгусида етук спортчилар эришиб чиқишига пойдевор бўлиб хизмат қилади.
