Қашқадарё вилоятида Хотин қизлар жамоатчилик кенгаши масъуллари ҳамда вилоят Соғлиқни сақлаш бўлими ҳамкорлигида чуқурлаштирилган тиббий кўрик ташкил этилди.
Инсонга кўрсатилаётган тиббий хизмат,сифат ва самарадорлигини яхшилаш ҳамда соғлом турмуш даражасини ошириш бугунги куннинг энг муҳим масалаларидан бири саналади.
Ўзбекистон Республикаси Миллий гвардияси Марказий девони Хотин қизлар жамоатчилик кенгаши масъуллари ҳамда вилоят Соғлиқни сақлаш бўлими ҳамкорлигида ҳарбий хизматчи ва ходимлар, шунингдек, уларнинг оила аъзолари учун чуқурлаштирилган тиббий кўрик ташкил этилди.
Тиббий кўрик давомида мутахассислар томонидан (кардиолог, стоматолог, терапевт, педиатр, ортопед, дерматолог) ЭКГ, УТТ бўйича текширувлар ўтказилиб, таҳлил натижаларига кўра лаборатория хизматлари ва диагностика ҳамда даволаш чоралари кўрилди.
Шунингдек, ҳар бир ташриф буюрувчи билан якка тартибда суҳбатлар ташкил этилиб, оилада тиббий савияни ошириш, соғлом муҳитни яратиш тўғрисида зарур тушунчалар берилди.
Тадбирда асосий эътибор соғлом турмуш тарзини кенг тарғиб қилиш, тиббий билим ва маданиятни ошириш, касалликларни илк даврида аниқлаш ва даволаш чораларини кўришга қаратилди.
Таъкидлаш жоизки ўз вақтида ўтказилган тиббий кўриклар хизмат самарадорлигини янада оширишга кенг замин яратмоқда.
