АЁЛ ҲАРБИЙ ХИЗМАТЧИЛАРНИ РУҲАН ЮКСАЛТИРИШ ЙЎЛИДАГИ ТРЕНИНГЛАР
Ҳозирги кунда Миллий гвардия сафларида кўплаб хотин-қизлар ўз хизмат фаолиятларини олиб боришмоқда.
Хусусан, Миллий гвардия Андижон вилояти бўйича бошқармасида йигитлар билан елкама-елка хизмат қилаётган қизларнинг сафи ҳам кенгайган.
Тизимда хизмат қилаётган ҳарбий хотин-қизлар хизмат вазифаси билан бирга оила ва рўзғор юмушларини ҳам ўз ўрнига қўйишаётганлиги ҳам таҳсинга сазовор. Оила бекаси бўлган аёлларнинг ота-оналари ҳамда турмуш ўртоқлари уларнинг юрт тинчлиги ва халқ фаровонлиги йўлидаги хизматлари билан фахрланишади.
Шуни алоҳида таъкидлаш жоизки, аёл ҳарбий хизматчилар жанговар вазифаларни бажаришдаги қийинчилик ва машаққатларни оила аъзолари ва ҳамкасбларининг маънан қўллаб-қувватлашлари сабаб уддалай олишмоқда. Айниқса, бу борада уларнинг руҳий ҳолати ва кайфиятининг ижобий бўлиши ҳам жуда муҳим.
Жумладан, ҳарбий хизматчи аёлларнинг руҳиятини кўтариш, хизматга бўлган муносабатини янада яхшилаш мақсадида Миллий гвардия Андижон вилояти бўйича бошқармаси ҳамда Қўриқлаш бошқармаси психологлари билан ҳамкорликда вилоят Қўриқлаш бошқармасининг "Руҳий енгиллаштириш хонаси" га ташрифи амалга оширилиб, психологик тренинг машғулотлари ўтказилди.
