БАНДЛИКНИ ТАЪМИНЛАШ БЎЙИЧА МЕМОРАНДУМ ИМЗОЛАНДИ
Аҳоли бандлигини таъминлаш айниқса хотин-қизлар ва ёшларни иқтидоридан келиб чиққан ҳолда уларни касб ҳунарга йўналтириш борасида жойларда Миллий гвардия масъул ходимлари ҳамкор вазирлик ва ташкилотлар билан биргаликда зарур чора тадбирларни амалга ошириб келмоқдалар.
Хусусан, Наманган шаҳрида вилоятнинг "Нодирабегим" номидаги вилоят ахборот-кутубхона марказида хотин-қизлар билан вилоятдаги маънавият тарғиботчилари ва ёзувчилар иштирокида маданий тадбир ўтказилди. Мазкур тадбирда аёлларнинг гендер тенглиги ва бу борада давлатимиз раҳбари эътибор марказида бўлган вазифалар ижроси юзасидан очиқ мулоқот бўлиб ўтди.
Бўлиб ўтган мазкур тадбирда хотин-қизларнинг мурожаат ва таклифларидан келиб чиқиб, уларни иш билан таъминлаш учун Республика бандлик ва меҳнат муносабатлари вазирлиги тизимидаги Наманган вилояти “Ишга марҳамат” мономаркази давлат муассасасига ташриф буюрилди. Бу ерда мутахассислар билан бўлиб ўтган учрашув мобайнида хотин-қизларни ўқитиш ҳамда малакасини ошириш борасидаги мавжуд имкониятлар билан таништирилди.
Шунингдек, мазкур мономарказ раҳбари ҳамда Миллий гвардия Наманган вилояти бўйича бошқармаси бошлиғи томонидан меҳнат соҳасида фаол алоқаларни ўрнатиш, ҳарбий хизматчи ва ходимларнинг оила аъзоларини бандлигини таъминлаш ва ривожлантириш мақсадида Меморандум имзоланди.
Шундан сўнг, Наманган шаҳридаги 30 нафар уюшмаган ёшларни касбга йўналтириш ва уларни бандлигини таъминлаш мақсадида "Идеал" кийим тикув корхонасига экскурсия ташкил этилди.
Бу ерда ёшларнинг қизиқтирган саволларига мутахассислар томонидан аниқ тушунчалар бериш билан бирга, шу ернинг ўзида уларни шу соҳага қизиқтириш мақсадида тренинг машғулоти ўтказилди.
