“Биз биргамиз” азиз болажонлар!
Юртимиз бўйлаб Янги йил муносабати билан турли шиорлар остида ўтказилаётган тадбирлар болажонларга олам-олам қувонч улашмоқда. Шу каби тадбирлар, Андижон вилояти Қўрғонтепа туманида Миллий гвардия бошқармаси ҳарбий хизматчи ва ходимлари томонидан имконияти чекланган болалар билан ўтказилди. Кириб келган Янги 2021 йил билан муборакбод этиш, уларнинг мурғак қалбларига шодлик ва байрам қувончини олиб кириш мақсадида ташкил этилган ушбу ташриф барча иштирокчиларда катта таъссурот қолдирди.
Ушбу ташриф мобайнида болажонлар билан “Биз биргамиз” мавзусида қизиқарли давра суҳбати ташкил этилиб, улар орасида турли касбларга шу қатори ҳарбийликка қизиқувчи ўсмирларнинг саволларига жавоб берилди.
Имконияти чекланган болаларни соғлигини тиклаш ва уларни руҳиятини янада кўтариш, ҳаётга бўлган қизиқишларини ошириш учун қизиқарли концерт дастури ҳавола этилди.
Уларга шодлик улашган ушбу тадбир якунида байрам совғалари улашилди.
