ЎҚУВЧИЛАР ЎРТАСИДА БОКС БЎЙИЧА ХОТИРА ТУРНИРИ
Мамлакатимизда ёшларнинг бокс спорт турига бўлган оммавий қизиқишини инобатга олиб, иқтидорли спортчиларни аниқлаш, танлаш ва саралаш (селекция) тизимини янада такомиллаштириш, улар орасида соғлом рақобат ва мусобақа муҳитини яратиш, шунингдек, ўзбек боксининг дунёдаги етакчилигини сақлаб қолиш ва давом эттириш мақсадида мунтазам равишда мусобақалар ўтказилмоқда.
Хусусан, Сирдарё вилоятининг Бахт шаҳрида жойлашган Республика ўғил болалар ўқув-тарбия муассасасида Ўзбекистон Республикаси Миллий гвардияси тасарруфидаги ўқув муассасалари ўқувчилари ҳамда Тошкент шаҳридаги 22 ва 23-сонли меҳрибонлик уйи тарбияланувчилари ўртасида спортнинг бокс тури бўйича “9 май – Хотира ва қадрлаш куни”га бағишланган турнир ташкил этилди.
Юқори савияда бўлиб ўтган мазкур мусобақа бокснинг AIBA тоифаси қоидалари бўйича ўтказилиб, унда турли вазнларда 14 ёшдан 18 ёшгача бўлган ёшлар ўзаро куч синашди. Қизғин ва муросасиз кечган мазкур беллашувда учинчи ўринни Республика ўғил болалар ўқув-тарбия муассасаси ва Тошкент "Темурбеклар мактаби" жамоалари қўлга киритди. Иккинчи ўринни эса Тошкент шаҳар 23-сонли меҳрибонлик уйи жамоаси эгаллади. Фахрий биринчиликка Тошкент шаҳар 22-сонли меҳрибонлик уйи жамоаси сазовор бўлди. Ғолибларга кўчма кубок, диплом ҳамда эсдалик совғалари топширилди.
