БРОКОНЬЕРЛАР ҚЎЛГА ТУШДИ
Жорий йилнинг 17 февраль куни Тошкент вилоятида келиб тушган хабарга кўра Миллий гвардия ҳамда Экология ва атроф-муҳитни муҳофаза қилиш бошқармаси ходимлари томонидан тезкор тадбир ўтказилди.
Мазкур тадбирда Ўрта Чирчиқ тумани Тошкент денгизи ҳудудида Ўзбекистон Республикаси “Ҳайвонот дунёсини муҳофаза қилиш ва ундан фойдаланиш тўғрисида”ги қонуннинг 34, 35, 36-моддалари талабларини бузган 10 та қонунбузарлик ҳолати аниқланган.
Қўлга олинган ҳуқуқбузарлардан жами 6 та шундан 5 та алюмин ва 1 та резина қайиқ, шунингдек жами 1 500 метрдан ортиқ тақиқланган лескали тўр ва жами 122 та балиқ тегишли тартибда олиб қўйилган. Ушбу шахслар томонидан табиатга етказилган зарар 24 500 000 сўм миқдорида белгиланиб, ҳозирда ҳолат юзасидан суриштирув ишлари давом этмоқда.
