Тошкент шаҳри Яшнобод туманида сайёр ҳамда оммавий қабуллар ташкиллаштирилди. Унда жисмоний ва юридик шахсларнинг мурожаатлари, ҳарбий хизматчилар ва ходимлар ҳамда уларнинг оила аъзоларининг ижтимоий жиҳаттан қўллаб-қувваатлашга доир масалалар кўриб чиқилди..
Бугун 25 август куни Ўзбекистон Республикаси Ҳарбий прокуратураси ташаббуси билан Қуролли Кучлар тизимидаги вазирлик ва идоралар ҳамкорлигида Тошкент шаҳри Яшнобод туманида жойлашган Мономарказда сайёр ҳамда оммавий қабуллар ташкиллаштирилди.
Унда Ўзбекистон Республикаси Ҳарбий прокурорининг биринчи ўринбосари О.Холбоев, Миллий гвардия қўмондонининг ўринбосари С.Мамаюсупов, Мудофаа вазирининг ўринбосари Ҳ.Қаршиев, Фавқулодда вазиятлар вазирининг ўринбосари Х.Алибаев, ИИВ Қоровул қўшинлари қўмондони Х.Ботировлар ташриф буюрган 200 дан ортиқ фуқаролар билан очиқ мулоқотда бўлиб, мавжуд муаммолар ҳамда мурожаатларни тинглади.
Хусусан, Миллий гвардия қўмондони ўринбосари полковник С.Д.Мамаюсупов томонидан пойтахтимизда жойлашган Миллий гвардия бўлинмаларида хизмат қилиб келаётган ҳарбий хизматчи ва ходимлар, уларнинг оила аъзолари, фахрийлар, шунингдек, фуқароларнинг турли йўналишдаги мурожаатлари тингланди ва мавжуд муаммоли масалалар масъуллар иштирокида кўриб чиқилди. Асосий эътибор мурожаатларни ўз вақтида қонуний ҳал этишга қаратилиб, мутасаддиларга топшириқлар берилди ва ижроси назоратга олинди.
Қабулга икки юздан зиёд фуқаролар, ёшлар шу жумладан, ҳарбий хизматчилар, уларнинг оила аъзолари ва тизим фахрийлари ташриф буюрди.
