БУХОРО ШАҲРИДА НАВБАТДАГИ ТУНГИ ЎҒИРЛИК
Жорий йилнинг 23 апрель куни тунги вақтда Миллий гвардия Бухоро шаҳар қўриқлаш бўлими ходимлари томонидан қўриқланиб келинаётган “Ситора” мошина бозори ҳудудида шубҳали шахслар қўлга олинди.
Қўриқлаш ходимлари томонидан бозор ҳудудида жойлашган ва қўриқлов остида бўлган дўконларни тунги назорати мобайнида савдо дўконларнинг бири ичкарисида 2 нафар шубҳали шахс юрганлиги аниқланиб, улар қўлга олинган ва воқеа жойига Бухоро шаҳар ИИБ тезкор гуруҳи чақирилган.
Олиб борилган дастлабки суриштирув давомида ушбу номаълум шахслар Шофиркон туманида яшовчи фуқаролар А.С. ва Р.О.лар савдо дўконига ғайриқонуний равишда кирганлиги, шунингдек 80 Q 685 NA рақамли “Матиз” русумли автомашинада уларни жиноий шериги бўлган фуқаро Х.М.нинг кўчанинг бошида кутиб турганлиги маълум бўлган.
Холислар иштирокида автомашина салони кўздан кечирилганда ундан ўткир тиғли пичоқ ва 5-дона телефон аппарати борлиги аниқланиб, барча буюмлар расмийлаштириб олинган ва ҳозирда мазкур ҳолат юзасидан суриштирув ишлари давом этмоқда.
