ЧЕМПИОНЛАР АНИҚЛАНДИ
Жорий йилнинг 4-7 март кунлари Сурхондарё вилоятининг Термиз шаҳрида спортнинг “Қўл жанги” тури бўйича 2006-2007 йилларда туғилган ўсмирлар, 2000-2003 йилларда туғилган ёшлар ва қизлар ҳамда профессионал спортчилар ўртасида Ўзбекистон чемпионати мусобақалари ташкил этилди.
Унда мамлакатимизнинг барча ҳудудларидан ёш ва иқтидорли спортчилар ғолиблик учун баҳс олиб бордилар. 2006-2007 йилларда туғилган ўсмирлар (14-15 ёш) жами 11та вазн тоифасида (-36кг, -39кг, -42кг, -46кг, -50кг, -55кг, -60кг, -65кг, -70кг, -75кг, +75кг) беллашдилар.
2000-2003 йилларда туғилган ёшлар ва қизлар эса 9тадан вазн тоифасида ўз кучларини синаб кўришди. Беллашувда Миллий гвардияси Сурхондарё вилояти Қўриқлаш бошқармаси ходими Элдор Худойбердиев +90 кг. вазн тоифасида иштирок этиб, ўз вазн тоифасида Ўзбекистон чемпиони бўлди.
Мусобақа якунида барча ғолиб ва совриндорлар медаль, диплом ва эсдалик совғалари билан тақдирландилар.
