Мазкур учрашув, мактаблардаги таълим-тарбия ва давомат билан боғлиқ муаммолар ва уларнинг ечимини биргаликда ҳал қилиш мақсадида ташкил этилиб, унда вилоятдаги 314 та мактабларда таҳсил олаётган юқори синф ўқувчиларининг ота-оналари  билан, вилоят ҳокими А.Махмудалиев ва Миллий гвардия қўмондони Р.Джураев  онлайн мулоқат ўтказди.

 Мулоқот олдидан вилоят ҳокими ва Миллий гвардия қўмондони томонидан, давлатимиз раҳбарининг мактаблардаги таълим-тарбия ва ўқувчиларнинг давомати бўйича ташвишга тушаётганлиги беҳуда эмаслиги таъкидланиб, жорий қилинган янги тизим бўйича батафсил тушунчалар берилди. Бундан буён Миллий гвардия, мактаб ўқувчилари учун ҳам устоз, ҳам мураббий, ҳам назоратчи бўлишига алоҳида урғу берилди.

Шундан сўнг фарзандларимизни келажаги ва уларни жамиятда ўз ўринларини топишлари учун ҳамда бу йўлдаги мавжуд муаммолар ва уларнинг ечими юзасидан ота-оналар таклифлари эшитилди. Хусусан, Боёвут туманидан иштирок этган ота-оналар номидан, мавсумга қараб дарс бошланиш вақтларини кўриб чиқилиши, Янгиер шаҳридан иштирок этган ота-оналар номидан, дарсларда ота-оналарни навбатма навбат иштирок этишларини таъминланиши, Ховос туманида жойлашган 20-мактабда чет-тили ўқитувчиси йўқлиги ва фан тўгараклари ташкил этиш учун хоналар етишмаслиги айтилиб, шуларни бартараф этиш учун амалий ёрдам кўрсатилиши тўғрисидаги таклифлар берилди.

Шунингдек, вилоят мактабларида ўқиган раҳбар ходимларни ўзларини шу мактабга бириктириш, ўқувчиларга эса ўзлари ўқиётган мактаб ва маҳалласи тарихини билишлари учун  “мактаб-оила -маҳалла”  тарихининг узвий боғлиқлиги тўғрисидаги тушунчаларни сингдириш орқали ўз мактабига, маҳалласига меҳри ва садоқатини ошириш ҳамда ватанпарварлик туйғуларини шакллантиришга  қаратилган чора-тадбирларни тизимли йўлга қўйиш масалалари мухокама қилинди.

  Турли хил фикр ва мулоҳазаларга бой ўтган очиқ мулоқот якунида, вилоят ҳокими, фарзанларини  тақдирига бефарқ бўлмаган ва муҳтарам Президентимиз томонидан олиб борилаётган ислоҳотларга хайриҳоҳлигини билдирган ота-оналарга ўз миннатдорчилигини билдирди.