Давлатимиз раҳбари томонидан ижтимоий соҳалар йўналишида белгилаб берилган устувор вазифаларнинг амалий ижроси, Миллий гвардия қўмондони назорати остидаги ишчи гуруҳларнинг манзилли ишлари Наманган ҳамда Андижон вилоятларида олиб борилмоқда
Миллий гвардия қўмондони ўринбосари полковник С.Мамаюсупов Наманган вилоятида бўлиб, мактаб – ота - она - маҳалла ҳамкорлигида олиб борилаётган ишлар билан танишди.
Унда, ўқувчиларни ватанпарварлик руҳида тарбиялаш, мактабларда ўқувчи ва педагогларни хавфсизлигини таъминлаш борасида йўлга қўйилган ҳамкорликдаги ишлар ҳамда янги қоровуллик хизмати фаолиятини янада такомиллаштириш, шунингдек спорт федерацияларни жалб қилган ҳолда ўқувчиларни спорт тўгаракларида иштирокини таъминлаш орқали улар ўртасида ҳуқуқбузарки ва жиноятчиликни олдини олиш чора-тадбирларини кучайтириш борасида тавсиялар берилди.
Тадбир давомида Миллий гвардия Наманган вилояти бўйича бошқармаси инспектор-психологлар билан учрашув ўтказилиб, Президентимизнинг 5-февраль куни ўтказилган кенгайтирилган йиғилишидаги топшириқлари ва тегишли Қарорлар ижросини тўлақонли таъминлаш учун амалга оширилиши зарур бўлган ишлар борасида семинар-тренинг ўтказди.
Шунингдек, Миллий гвардия Наманган вилояти бўйича бошқармасидаги 157 нафар инспектор-психологлар Миллий гвардия сафларига қабул қилинганликлари бўйича “Миллий гвардия қасамёди”ни қабул қилишди. 9 нафар инспектор-психологларга навбатдаги махсус унвонлар берилди.
Шу каби манзилли ишлар Андижон вилоятида ҳам давом эттирилмоқда. Хусусан ишчи гуруҳ томонидан Андижон шаҳридаги 21. 49 ҳамда 14-умумий ўрта таълим мактабларида жорий қилинган янги тизим доирасидаги ҳамкорликдаги ишлар кўздан кечирилди.
Ушбу мактаб маъмурияти маҳалла еттилиги ҳамда психолог инспекторлари билан суҳбат учрашув ўтказилди. Унда ўқувчиларнинг хавфсизлиги, дарс машғулотларига қатнашиш давомати, мунтазам равишда дарсларни қолдираётган ўқувчилар ҳамда тарбияси оғир ўқувчиларнинг ота оналари ва маҳалла фаоллари билан биргаликда ушбу масалаларга ечим топиш борасида вазифалар белгилаб олинди.
